Alumnado do ciclo de educación infantil e voluntariado da biblioteca escolar están a artellar unha xornada de contacontos e teatro para reflexionar sobre a Alimentamentación saudábel. O día 2 de abril, Día mundial da Literatura Infantil e Xuvenil teremos un público de excepción, alumando do CEIP Lamas de Abade!

  Alumnado da FP Báscia  do CIFP Compostela  asistou hoxe á formación: Iniciación segura á pegada dixital e ás redes sociais impartida por David Bascoy, experto en ciberseguridade e protección de datos personais. Esta actividade, coordinada desde a biblioteca escolar, está enmarcada na Plan dixital do centro e promove a Alfabetización Mediática e Informacional.

  Hoxe comezou a descarga de intervencións artísticas da VIII Festa das Letras Vivas no CIFP Compostela. Fixémolo coa proxección do vídeo-poema "Delincuente" de Nuria Vil  seguida dun interesantísimo coloquio coa escritora. Ademais asinou exemplares do seu poemario "Simún" que xa tedes á vosa disposición na biblioteca do centro e agasallounos cunha foto para o noso particular álbum do mural das nosas familias profesionais "En galego tratámonos ben" da artista Ana Santiso. Grazas mil, Nuria Vil!

    O xoves 27 de febreiro presentamos no centro unha exposición cedida polo IES Virxe do Mar de Noia. Son 18 obras plásticas baseadas na artista Christine Kim realizadas polo estudantado de 4º de ESO e asociadas cada unha delas a unha poesía dunha autora ou autor galego. Convidamos a toda a comunidade educativa a achegarse e disfrutar das mesmas. Estará no hall do edificio ata finais do mes de marzo. Grazas ao IES Virxe do Mar por compartir esta fermosa produción pictográfica e poética. Esta exposición complementase na biblioteca do CIFP Compostela onde podedes consultar todas as obras poéticas de referencia .