Celebramos a  XIII edición da Mostra do Entroido Galego  que cada ano dedicamos a un dos entroidos galegos e que pretende dar a coñecer entre a comunidade educativa formada polos centros participantes (CEIP Lamas de Abade, CEIP Apóstolo Santiago, CEIP Pérez Viondi, EI A Raiola, Colexio ASPANAES, IES Lamas de Abade e CIFP Compostela) as diferentes manifestacións dos entroidos galegos. A Mostra, que este ano dedicamos aos  Galos da Mezquita (A Merca - Ourense ) e a posterior ronda en comparsa polos centros de ensino, foi o venres día 6 de febreiro. Participamos: Facendo parte da Cofraría do Sr. Abade, a modo de cofrades e membros da procesión da Purísima Calidade. Como Galos da Mezquita. Cada quen co seu propio traxe. Contamos un curso máis con "Abadiño Son", grupo de música tradicional.

  O corpo de Cristo de Bea Lema no club de lectura do profesorado do mes de febreiro.

  O día 14 de xaneiro, participamos na sesión formativa para docente da XX campaña de animación á lectura na sede de Afundación. Entre o material base atopamos os sete últimos álbums gañadores do Premio Internacional Compostela para Álbumes Ilustrado, que convoca o Departamento de Educación xunto coa editorial Kalandraka Galicia. Agradecemos ó Departamento de Educación do Concello de Santiago o convite á sesión formativa e os intereseantes materiais facilitados para traballar desde as aulas e a biblioteca escolar.

  Descubre a nova sección na parte exterior da biblioteca

  Durante todo o curso escolar, os mércores,  os grupos da FP Básica da profesora Olga Amigo están a ler e  traballar con prensa en papel. Para refelexionar e aprender sobre alfabetización informacional, de cando en vez, toca comparar as diferentes novas na súa versión en dixital. 

 O día 6 de marzo, un grupo de alumnado da familia profesional de Servizos á Comunidade, realizou unha visita didáctica ó Salón do Libro Infantil e Xuvenil na cidade de Pontevedra. O grupo estivo acompañado por María José Vilar e Manuel Otero. Este ano o Salón está adicado á maxia e o país convidado é Cataluña. O alumnado participou nos contacontos, obradoiros e visitas guiadas ó salón.

 Feminismo de proximidade , unha selección de artigos, relatorios, investigacións e proxectos publicados en diversos medios, cun claro fío condutor: a muller e a súa condición. A proposta recolle feitos actuais, repasa aspectos históricos, reivindica accións positivas, fai visibles situacións. Ler este libro é unha viaxe por Pontevedra, Compostela, Madrid, Alacant, Cerdedo ou Alhucemas (Marrocos). Así, en   As cidades e o xénero   descúbrenos o androcentrismo arquitectónico que leva a deseñar as cidades en función do estereotipo masculino. En  Mulleres e represión na Terra de Montes , fai visible os trazos de xénero da represión franquista sobre as mulleres desa bisbarra. En  Mulleres no rural  ou en   As montañas do Rif en feminino  trasládanos a vida das mulleres que, malia vivir a miles de quilómetros, teñen eivas similares... Estas páxinas tamén amosan a faceta docente de Lola: dunha banda, como profesora de literatura, achéganos en Unha mulle...

 Día de Rosalía con Paula Carballeira, premio de Literatura Dramática no CIFP Compostela Comezamos a xornada na biblioteca con un encontro coa autora, dirixido ó alumnado e profesorado dos clubs de lectura arredor da peza teatral As Alumnas . A continuación, nun salón de actos ateigado, alumnado de diferentes familias profesionais asistiu á sesión de contacontos " Os contos que me contan" Ó remate da contada, a autora impartiu un miniobradoiro específico para o alumnado do ciclo de educación infantil sobre a didáctica nos contos tradicionais. Na cociña, profesorado e alumnado do ciclo superior de dirección de cociña, estaban a preparar o tradiconal caldo de groria. Alumnado da FP básica de cociña ocupouse do servizo do caldo dun xeito moi profesional. E non faltou a poesía de Rosalía de Castro Alumnado da materia de organización de eventos de segundo curso de Xestión de aloxamentos turísticos foi responsable do bo desenvolvemento da xornada Desde a Biblioteca e o EDLG queremo...

 Temos de novo a Boniface Ofogo na biblioteca do CIFP Compostela, un dos narradores preferidos do alumnado de Educación Infantil do noso centro. A través dos seus libros Boni falou:   Da oralidade á escrita: A importancia do álbum ilustrado. O alumnado do ciclo de Educación Infantil tivo a oportunidade de reflexionar e debatir sobre as diferencia culturais á hora de falar e presentar historias en formato álbum dependendo da temática. Boni recomedounos o visionado do vídeo En memoria  para sermos quen de abordar a temática da morte desde outra perspectiva

  A alumna de 2º curso de Integración Social, Uxía Barbeito Morono, é a gañadora do concurso de microrrelatos sobre conflitos bélicos. O seu microrrelato, "Tres da mañá" acadou a máxima puntuación.  Tres da mañá Escoito gritos, axitación, choros. Levamos neste zulo 10 días, sin apenas nada. Nahid leva de parto 14 horas e eu, unha rapaza de 16 anos, son a única que ofreceu asistila. Non hai auga, non hai toallas, nn sei como facelo. Empezan a falar polo baixo, non creen que sobreviva. Ninguén axuda. Penso na nena que está por nacer, non merece nacer entre escombros, ao frío, sucia. Ninguén o merece. Egoísmo, eso é o que é a guerra. que será de Nahid? De min? De todas as que veñen? Podedes consultar aquí todos os microrrelatos participantes Desde o EDLG e a Biblioteca do CIFP Compostela enviamos os noso agradecemento a todo o alumnado que participou no concurso

  A biblioteca convidou à Fundaciòn Araguaney para a celebración das xornadas polo día da paz.  Proxectouse a curta Gaza, de Carles Bover Martínez e Julio Pérez del Campo nominada òs premios Goya 2024. Rematamos con lectura de poemas multilingüe en àrabe, francés, galego e inglés por parte do alumnado dos clubs de lectura. Gaza Sara Ashour falou da situación actual na franxa de Gaza e en Cisxordania despois de introducir o contexto històrico. Grazas pola túa xenerosa intervención. Rematamos con lectura de poemas multilingüe en àrabe, francés, galego e inglés por parte do alumnado dos clubs de lectura. Ismael sorprendeunos recitando un par de poemas do poeta de referencia palestino Mahmood Darwish . Jesús e Rosana leron poemas en inglés de Refaat Alareer If I must die de Refaat Alareer If I must die,/ you must live/ to tell my story/ to sell my things,/ to buy a piece of cloth/ and some strings,/ (make it white with a long tail)/ so that a child, somewhere in Gaza/ while lookin...

  Lectura de poemas multilingüe por parte do alumnado do club de lectura Caldo de groria e encontro con Sara Ashour. Palestra do MPDL (Movemento pola Paz) sobre a situación actual en Palestina