Guía de lectura con recomendacións de lecturas en francés que podedes atopar na nosa biblioteca Your browser does not support the video tag.

  Presentamos o noso primeiro booktrailer, elaborado polo alumnado participante no Club de lectura feminista en lingua inglesa(Coffee Sessions) despois de recibir varias sesións de formación na biblioteca, impartidas pola lectora Talia Snyder We Should All Be Feminists by Chimamamnda Ngozi Adichie 

  Guía de lectura. Novidades na nosa biblioteca. Autoras na literatura asiática

  Encontro sorpresa🎉 Comezamos o 23 de abril na biblioteca do edificio principal e continuamos o 27 de abril na biblioteca de servizos á comunidade.

  O día O día 10 de febreiro profesorado do equipo da biblioteca asistiu á visita guiada para mediadoras de lectura da campaña ' Ler para crecer' impulsada pola Concellaría de Educación do Concello de Santiago de Compostela  da man da editorial Kalandraka. Agradecer o convite ao alumnado de 1⁰ de Educación Infantil do CIFP Compostela en igualdade xunto co profesorado mediador, toda unha experiencia para coñecer a proposta dirixida ao público infantil e as súas familias a través dos álbumes ilustrados que artellan a exposición, narrados e musicados por Paco Nogueiras. O alumnado tivo a oportunidade de coñecer a Casa do Pozo, sede de Afundación. Unha experiencia moi enriquecedora.

  O día 28 de xaneiro a maxia dos libros encheu o comedor do CIFP Compostela da man do profesor Samuel e o seu alumnadode Dirección de Servizos que nos transportaron a Hogwarts nun evento no que Harry Potter foi o protagonista principal. 

  Profesorado do equipo directivo e da biblioteca do CIFP Compostela asistiron  ó acto de entrega dunha selección de libros pertencentes ás seis coleccións do fondo editorial do Consorcio de Santiago de Compostela para fornecer a biblioteca escolar do centro. Parabéns pola iniciativa e moitas grazas por contar co CIFP Compostela

  O día 14 de xaneiro, participamos na sesión formativa para docente da XX campaña de animación á lectura na sede de Afundación. Entre o material base atopamos os sete últimos álbums gañadores do Premio Internacional Compostela para Álbumes Ilustrado, que convoca o Departamento de Educación xunto coa editorial Kalandraka Galicia. Agradecemos ó Departamento de Educación do Concello de Santiago o convite á sesión formativa e os intereseantes materiais facilitados para traballar desde as aulas e a biblioteca escolar.

  O alumnado de primeiro curso de Educación Infantil xunto coa profesora Majo Fares, visitou os stands das editoriais e asistiu á  presentación do libro Desvendando Rosalía e a súa obra de Franciso Rodríguez na SELIC , Semana do Libro de Compostela . Animamos a toda a comunidade escolar a participar nas actividades propostas e visitar a SELIC até o día 12 de outubro, Podedes consultar aquí toda a programación .

    Noelia Freiria, alumna de 1º curso de Educación Infantil realizou unha presentación ao grupo clase arredor da traxectoria da autora Montse Souto dentro das actividades voluntarias de animación á lectura.

  Sara Iglesias do club de lectura de  Educación  Infantil  1 realizou unha presentación da obra da autora Rosalía Morlán, que a través do álbum ilustrado " O dragón Antòn e o sapo Rosendo viaxan ata os faros" fai un percorrido a través da poesía dos faros da costa galega.

  Moitos parabéns! Alejandro M., Ana C. e Saray P., alumnado gañador do sorteo do Día do Libro 2024. Boas lecturas!