Con motivo da Semana do Libro, o alumnado de 1º de Educación Infantil do CIFP Compostela saíu da aula para compartir o que mellor sabe facer: contar historias. Realizaron obradoiros de contacontos nas escolas infantís de Raiola , Lamas de Abade , así como no centro de educación especial Duques de Lugo de Aspanaes , fortalecendo vínculos con centros veciños e levando a maxia da lectura a diferentes realidades educativas. Unha experiencia enriquecedora onde aprender tamén significa compartir .     Visita do equipo directivo de Aspanaes

  O día O día 10 de febreiro profesorado do equipo da biblioteca asistiu á visita guiada para mediadoras de lectura da campaña ' Ler para crecer' impulsada pola Concellaría de Educación do Concello de Santiago de Compostela  da man da editorial Kalandraka. Agradecer o convite ao alumnado de 1⁰ de Educación Infantil do CIFP Compostela en igualdade xunto co profesorado mediador, toda unha experiencia para coñecer a proposta dirixida ao público infantil e as súas familias a través dos álbumes ilustrados que artellan a exposición, narrados e musicados por Paco Nogueiras. O alumnado tivo a oportunidade de coñecer a Casa do Pozo, sede de Afundación. Unha experiencia moi enriquecedora.

  O día 14 de xaneiro, participamos na sesión formativa para docente da XX campaña de animación á lectura na sede de Afundación. Entre o material base atopamos os sete últimos álbums gañadores do Premio Internacional Compostela para Álbumes Ilustrado, que convoca o Departamento de Educación xunto coa editorial Kalandraka Galicia. Agradecemos ó Departamento de Educación do Concello de Santiago o convite á sesión formativa e os intereseantes materiais facilitados para traballar desde as aulas e a biblioteca escolar.

  O alumnado de 1º e 2º do ciclo superior de Educación Infantil, 1º e 2º de FP Básica e ciclo medio de Artes Gráficas, asistiron ó encontro coas autoras gañadoras do XVIII premio Compostela de álbum ilustrado. A obra gañadora foi Grande e pequena de Arianna Squilloni con ilustracións de Raquel Catalina. Queremos agradecer ó Concello de Compostela é á editorial Kalandraka por contar con nós un ano máis. Máis información: aquí

  Alumnado do ciclo de educación infantil e voluntariado da biblioteca escolar están a artellar unha xornada de contacontos e teatro para reflexionar sobre a Alimentamentación saudábel. O día 2 de abril, Día mundial da Literatura Infantil e Xuvenil teremos un público de excepción, alumando do CEIP Lamas de Abade!

    Noelia Freiria, alumna de 1º curso de Educación Infantil realizou unha presentación ao grupo clase arredor da traxectoria da autora Montse Souto dentro das actividades voluntarias de animación á lectura.

  Nova exposición na biblioteca durante o mes de febreiro. Mochilas viaxeiras . Unha proposta do alumnado do Ciclo Superior de Educaciónn Infantil e voluntariado da biblioteca.

  Esta semana a biblioteca do CIFP Compostela estivo presente na VI Feira das Profesións celebrada no IES Rosalía de Castro da man da nosa compañeira Verónica Escudero. O kamishibai foi todo un éxito!

  Sara Iglesias do club de lectura de  Educación  Infantil  1 realizou unha presentación da obra da autora Rosalía Morlán, que a través do álbum ilustrado " O dragón Antòn e o sapo Rosendo viaxan ata os faros" fai un percorrido a través da poesía dos faros da costa galega.

 Temos de novo a Boniface Ofogo na biblioteca do CIFP Compostela, un dos narradores preferidos do alumnado de Educación Infantil do noso centro. A través dos seus libros Boni falou:   Da oralidade á escrita: A importancia do álbum ilustrado. O alumnado do ciclo de Educación Infantil tivo a oportunidade de reflexionar e debatir sobre as diferencia culturais á hora de falar e presentar historias en formato álbum dependendo da temática. Boni recomedounos o visionado do vídeo En memoria  para sermos quen de abordar a temática da morte desde outra perspectiva