Saltar ao contido principal

Publicacións

Durante dez minutos, o mundo detívose para ler

  Durante dez minutos, o mundo detívose a ler O xoves 8 de outubro de 2026, este xesto tan sinxelo permitiunos acadar un novo récord de GUINNESS WORLD RECORDS™ polo maior número de persoas lendo en liña ao longo de 12 horas. No marco do Ano Nacional da Lectura , a National Literacy Trust e o British Council convidaron persoas lectoras de todo o mundo a participar nun momento colectivo de lectura capaz de superar fronteiras. A resposta foi extraordinaria. Grazas á colaboración da rede de socios educativos e culturais do British Council en 85 países e territorios, participaron máis de 3.000 escolas, bibliotecas, centros de traballo e colectivos comunitarios . Todas elas formaron parte das 153.862 persoas lectoras de 92 países e territorios que fixeron posible este fito histórico. Desde o CIFP Compostela, o grupo de primero curso DUAL de Xestión de Aloxamentos Turísticos participou nesta acción global tal e como informamos no seu día neste blog na entrada Take 10 to read  no...
Publicar un comentario
Ler máis
Publicacións recentes

Comeza o Club de lectura Marco Polo

  O club de lectura Marco Polo comeza a súa andaina. Facilitado pola profesora Clara Gómez-Reino e dirixido ao alumnado de ciclo medio de Impresión Gráfica e Preimpresión Dixital.
Publicar un comentario
Ler máis

IV Castañazo contra as violencias

  Desde o Equipo de Dinamización da Lingua Galega, a Comisión de Igualdade do CIFP Compostela e a Coordinación de Biblioteca impulsamos unha nova edición do Magosto . No " IV Castañazo contra as violencias"  colaboran, diferentes grupos de alumnado e profesorado: de Aloxamento e Lavandaría, Educación Infantil, Integración Social... Cun programa consolidado de actividades en colaboración coa Comisión de Igualdade ás portas da semana reivindicativa do 25N, "Dia Internacional da eliminación da violencia contra as mulleres".
Publicar un comentario
Ler máis

Love me tender de Ana Romaní

  Este poemario, Love me tender(24 poemas para unha caixa de música e un cilindro), é unha edición ampliada do poemario escrito hai máis de vinte anos por Ana Romaní e que temos agora da man de Chan da pólvora. Esta é unha obra na que partindo do dato de que dun 30% a un 50% das mulleres sofren violencia a mans das súas parellas desenvolve esa experiencia dolorosa ao longo das súas fases e emocións.
Publicar un comentario
Ler máis

Todas as persoas desempeñamos un papel: alfabetización mediática e informacional para a cidadanía.

  Que é a AMI? (segundo a Unesco) A alfabetización mediática e informacional (AMI) comprende un conxunto de competencias que lle permiten ás persoas buscar, avaliar criticamente, usar e achegar información e contidos mediáticos de xeito intelixente; coñecer os nosos dereitos no ámbito dixital; entender como combater o discurso de odio en liña, a desinformación, as noticias falsas e o ciberacoso; comprender as cuestións éticas relacionadas co acceso á información e o seu uso; e interactuar cos medios e as TIC, actuando como persoas produtoras de información e contidos, para promover a igualdade, a libre expresión, a pluralidade nos medios e na información, o diálogo intercultural/interrelixioso e a paz. Celebramos a semana AMI do 24 ao 31 de outubro de 2026💥   Alumnado de diversos ciclos, participou no obradoiro impartido pola xornalista Fernando González Macías para reflexionar ao redor dos medios de comunicación e as redes sociais e estimular o pensamento crítcio. Esta activ...
Publicar un comentario
Ler máis

Microvisitas guíadas á biblioteca 2026

  O programa de  microvisitas guiadas á biblioteca, organizadas pola profesora Eva Pintor coa colaboración da biblioteca e a profesora Ana Yañez cos módulos de organización de eventos, resultaron todo un éxito. O alumnado de nova incorporación tivo a oportunidade de coñecer a organización do espazo e afondar na búsqueda de información de xeito riguroso na semana na que a UNESCO promove a celebración da AMI(Alfabetización Mediática e Informacional). Unha actividade xa consolidada e que esperamos poda repetirse no vindeiro curso. Moitas grazas a todo o alumnado e profesorado participante! Desde a biblioteca queremos agradecer o esforzo e profesionalidade demostrada polo alumnado de segundo curso dos módulos de organización de eventos do ciclo de Xestión de Aloxamentos Turísticos.
Publicar un comentario
Ler máis

Conte avec moi con Samuel Mountoumnjou

  Obradoiro pedagóxico de animación á lectura en francés con Samuel Mountoumnjou Conte avec moi. Celebramos o Día das Bibliotecas 2026! 📚✨ O alumnado de Xestión de Aloxamentos Turísticos e Dirección de Servizos participou activamente nunha xornada moi especial da man de Samuel , narrador oral que, unha vez máis, nos sorprendeu coa súa metodoloxía dinámica, creativa e participativa. Contos, emocións, reflexións e moitas ganas de compartir fixeron desta actividade unha experiencia inesquecible para todas as persoas asistentes. 📖 Porque as bibliotecas son espazos vivos que nos conectan, inspiran e fan medrar. Unha sesión inesquecíbel!  Grazas á organización da biblioteca e do Departamento de Idiomas por facer posible unha celebración tan enriquecedora do poder das historias e da palabra en lingua francesa.
Publicar un comentario
Ler máis