Obradoiro pedagóxico de animación á lectura en francés con Samuel Mountoumnjou Conte avec moi. Celebramos o Día das Bibliotecas 2026! 📚✨ O alumnado de Xestión de Aloxamentos Turísticos e Dirección de Servizos participou activamente nunha xornada moi especial da man de Samuel , narrador oral que, unha vez máis, nos sorprendeu coa súa metodoloxía dinámica, creativa e participativa. Contos, emocións, reflexións e moitas ganas de compartir fixeron desta actividade unha experiencia inesquecible para todas as persoas asistentes. 📖 Porque as bibliotecas son espazos vivos que nos conectan, inspiran e fan medrar. Unha sesión inesquecíbel!  Grazas á organización da biblioteca e do Departamento de Idiomas por facer posible unha celebración tan enriquecedora do poder das historias e da palabra en lingua francesa.

  Samuel Mountoumnjou. Africa no Cifp Compostela.  Camerunés, narrador oral e profesor de francés. Fala bamoun, francés e español. Aprende da sua nai a falar e contar e das persoas maiores tamén, así comeza a súa paixon polos contos. E un narrador oral que contará historias africanas en francés que falan da súa cultura e das súas tradicións. Samuel Mountoumnjou

  Samuel Mountoumnjou Contes africains pour les élèves de français. Africa no Cifp Compostela. Samuel Mountoumnjou, profesor de linguas e narrador oral, contounos historias de África en francés, nunha actividade participativa, divertida e moi interesante.

  Encontro con Sole Felloza, actriz, fotógrafa, investigadora, narradora e apoixoada da cultura oral galega. Presentounos historias de mulleres, galegas e uruguaias, valentes e rompedoras, que marcaron a súa vida. Foi todo un pracer contar coa súa presenza no noso centro. Actividade coordinada pola comisión de igualdade do CIFP Compostela

  Divertida e fresca proposta de narración oral para público adulto onde Atenea García presenta historias de vida recollidas a mulleres que xa cumpriron 80 anos. Historias que falan do desexo, do pracer, de sexualidade...  A primeira conversa naceu cunha frase: “Vicio houbo sempre, gracias a Dios!” E logo seguíronlle outras tantas onde as mulleres foron contándolle unha chea de cousas supostamente prohibidas. A peza fala do amor e da vida que sempre houbo nas marxes fiando contos sobre a diversidade sexual, a ausencia na emigración e, como non, a diversión nos bailes das festas! Todo, ao ritmo de historias e cancións acompañadas coa pandeireta. Actividade ccordinada pola comision de igualdade do CIFP Compostela