No club de lectura do profesorado do mes de abril contaremos coa autora Andrea Nunes para  comentar o seu último poemario, Mapa da estría .

  Comezamos o Día de Rosalía coa música de Abadiño Son. Lectura do manifesto "Mais eles tamén perdidos" da Asociación de Escritores e Escritoras en lingua galega a cargo de Aroa Canabal. MAIS ELES TAMÉN PERDIDOS   Comprenderás estonces como abranda a delor as pedras frías,                                                             anque abrandar non poida                                                         ...

 

  Hoxe comezou a descarga de intervencións artísticas da VIII Festa das Letras Vivas no CIFP Compostela. Fixémolo coa proxección do vídeo-poema "Delincuente" de Nuria Vil  seguida dun interesantísimo coloquio coa escritora. Ademais asinou exemplares do seu poemario "Simún" que xa tedes á vosa disposición na biblioteca do centro e agasallounos cunha foto para o noso particular álbum do mural das nosas familias profesionais "En galego tratámonos ben" da artista Ana Santiso. Grazas mil, Nuria Vil!

    O xoves 27 de febreiro presentamos no centro unha exposición cedida polo IES Virxe do Mar de Noia. Son 18 obras plásticas baseadas na artista Christine Kim realizadas polo estudantado de 4º de ESO e asociadas cada unha delas a unha poesía dunha autora ou autor galego. Convidamos a toda a comunidade educativa a achegarse e disfrutar das mesmas. Estará no hall do edificio ata finais do mes de marzo. Grazas ao IES Virxe do Mar por compartir esta fermosa produción pictográfica e poética. Esta exposición complementase na biblioteca do CIFP Compostela onde podedes consultar todas as obras poéticas de referencia .    

  Celebramos à nosa autora màis universal con caldo e poesía durante o mes de febreiro dando visibilidade á súa obra na biblioteca, nos diferentes comedores do centro e na entrada principal. O CIFP Compostela tamén acolleu a presentación da campaña "Miña casiña, meu lar" do Concello de Santiago, a Fundación Rosalía de Castro e a asociación Hostalaría.gal para dar visibilidade e promocionar o Caldo de Gloria entre a hostalaría compostelana.  

  Sara Iglesias do club de lectura de  Educación  Infantil  1 realizou unha presentación da obra da autora Rosalía Morlán, que a través do álbum ilustrado " O dragón Antòn e o sapo Rosendo viaxan ata os faros" fai un percorrido a través da poesía dos faros da costa galega.

  Encontro coa escritora Charo Lopes arredor da súa obra poética no club de lectura do profesorado do mes de novembro no comedor do CIFP Compostela Feminismo, exclusión social, dereitos humanos, represión, disidencia e moita máis. Foi un encontro moi enriquecedor!

  A mostra "Nós somos Elas", da área de Igualdade da Deputación da Coruña e a AC Alexandre Bóveda, quere poñer o foco nas mulleres, retratadas no seu ámbito privado e laboral polo histórico fotógrafo de Laxe e con voz propia asinando os textos cos que dialogan as imaxes. Mulleres acompañadas dos seus fillos e fillas son os conxuntos máis repetidos nos 24 retratos seleccionados do Arquivo Fotográfico Vidal, concretamente de José Mª Vidal, da colección permanente do Museo de Mar de Laxe. Son pezas do pasado e do presente que constrúen un relato diferente, inclusivo, que trae ás mulleres a ocupar o seu lugar na historia, a facelas protagonistas e visibilizalas". O arquivo está composto por máis de 67.000 imaxes, realizadas dende finais do século XIX ata finais do século XX, polos fotógrafos locais José María Vidal -de quen son a totalidade das imaxes da mostra- e o seu pai Plácido Vidal. Os Vidal foron retratistas da vida cotiá de Laxe e toda a comarca e non houbo acontecem...

 Día de Rosalía con Paula Carballeira, premio de Literatura Dramática no CIFP Compostela Comezamos a xornada na biblioteca con un encontro coa autora, dirixido ó alumnado e profesorado dos clubs de lectura arredor da peza teatral As Alumnas . A continuación, nun salón de actos ateigado, alumnado de diferentes familias profesionais asistiu á sesión de contacontos " Os contos que me contan" Ó remate da contada, a autora impartiu un miniobradoiro específico para o alumnado do ciclo de educación infantil sobre a didáctica nos contos tradicionais. Na cociña, profesorado e alumnado do ciclo superior de dirección de cociña, estaban a preparar o tradiconal caldo de groria. Alumnado da FP básica de cociña ocupouse do servizo do caldo dun xeito moi profesional. E non faltou a poesía de Rosalía de Castro Alumnado da materia de organización de eventos de segundo curso de Xestión de aloxamentos turísticos foi responsable do bo desenvolvemento da xornada Desde a Biblioteca e o EDLG queremo...