Sesión do club de lectura en inglés do mes de xaneiro. The wind began to rock the grass by Emily Dickinson.

  O día 21 de maio, as nosas compañeiras Iria Cajuso e Mercedes Teijeiro, participaron na #17XCL celebrada en Santiago de Compostela. O club de lectura Caldo de Groria, foi convidado pola Asesoría de Bibliotecas Escolares para inaugurar a xornada nunha conversa con Paula Carballeira. Paula Carballeira recibiu o  Premio dos Clubs de Lectura 2025, que se concede anualmente ao autor ou autora galega máis lida, segundo as bases do premio ,  polos clubs de lectura participantes na convocatoria de Clubs de Lectura durante o curso precedente 2023/24. Podedes consultar aquí todo o programa da  emotiva Xornada.

  Samuel Mountoumnjou Contes africains pour les élèves de français. Africa no Cifp Compostela. Samuel Mountoumnjou, profesor de linguas e narrador oral, contounos historias de África en francés, nunha actividade participativa, divertida e moi interesante.

 O día 6 de marzo, un grupo de alumnado da familia profesional de Servizos á Comunidade, realizou unha visita didáctica ó Salón do Libro Infantil e Xuvenil na cidade de Pontevedra. O grupo estivo acompañado por María José Vilar e Manuel Otero. Este ano o Salón está adicado á maxia e o país convidado é Cataluña. O alumnado participou nos contacontos, obradoiros e visitas guiadas ó salón.

 Temos de novo a Boniface Ofogo na biblioteca do CIFP Compostela, un dos narradores preferidos do alumnado de Educación Infantil do noso centro. A través dos seus libros Boni falou:   Da oralidade á escrita: A importancia do álbum ilustrado. O alumnado do ciclo de Educación Infantil tivo a oportunidade de reflexionar e debatir sobre as diferencia culturais á hora de falar e presentar historias en formato álbum dependendo da temática. Boni recomedounos o visionado do vídeo En memoria  para sermos quen de abordar a temática da morte desde outra perspectiva