No club de lectura do profesorado do mes de maio comentamos La maestra de José Antonio Lucero. Foi un encontro moi enriquecedor xa que se comentaron diferentes visións sobre a obra.

  Convidamos a toda a comunidade escolar do CIFP Compostela a visitar a nova exposición arredor da figura de Castelao desde o día de hoxe até o 6 de xuño de 2025. Na entrada principal, A Bretaña que hai en NÓS, "As cruces de pedra na Bretaña" de Castelao.

  O día 21 de maio, as nosas compañeiras Iria Cajuso e Mercedes Teijeiro, participaron na #17XCL celebrada en Santiago de Compostela. O club de lectura Caldo de Groria, foi convidado pola Asesoría de Bibliotecas Escolares para inaugurar a xornada nunha conversa con Paula Carballeira. Paula Carballeira recibiu o  Premio dos Clubs de Lectura 2025, que se concede anualmente ao autor ou autora galega máis lida, segundo as bases do premio ,  polos clubs de lectura participantes na convocatoria de Clubs de Lectura durante o curso precedente 2023/24. Podedes consultar aquí todo o programa da  emotiva Xornada.

  Proposta das profesoras do departamento de Formación e Orientación Laboral Marta Andrade e Silvia Fernández e a coordinación da biblioteca. 

  Este ano cúmprense os   75 anos da morte de Alfonso Daniel Rodríguez Castelao. Desde o EDLG e a Biblioteca levamos un tempo argallando algunha actividade que conmemorase no noso centro o chamado "Ano Castelao" neste 2025,  E finalmente deuse a posibilidade de organizarmos unha proposta especialmente deseñada para a participación da nosa comunidade educativa. Trátase dun proxecto da  compañía de Teatro "Chévere" , a cal nos  convida a  abrir unha conversa  arredor do  cadro de Castelao “A derradeira leición do mestre” ,  que lle serve á compañía como detonante para crear unha nova obra de teatro que se estreará en Compostela en febreiro do 2026. O cadro, unha réplica do orixinal, conta cun   cuestionario  que atoparedes nun  código QR  ao carón e  permanecerá  na  entrada principal do CIFP entre o  luns 12  e o  venres  1 6  de  maio .  Chévere  a nímanos a  resp...

  As profesoras do Departamento de Idiomas Mercedes Teijeiro e Purificación Cabido están a realizar unha mobilidade Job Shadowing na cidade de Lorient no Campus de Notre Dame de la Paix, do 1 ao 8 de Maio. Trátase dunha observación in situ do sistema educativo francés, do funcionamento das bibliotecas escolares e da cultura bretona. Nesta estadía visitaron o Lycée Notre Dame de la Paix, o Lycée Saint-Louis e o Collège Saint-Louis, integrándose nas aulas de inglés, francés, español, e TIC, tanto de formación profesional como de bacharelato e realizaron activades de observación nos CDI(as bibliotecas escolares francesas) dos tres centros educativos.