"A derradeira leición do mestre" de Castelao

 

Este ano cúmprense os 75 anos da morte de Alfonso Daniel Rodríguez Castelao. Desde o EDLG e a Biblioteca levamos un tempo argallando algunha actividade que conmemorase no noso centro o chamado "Ano Castelao" neste 2025, 
E finalmente deuse a posibilidade de organizarmos unha proposta especialmente deseñada para a participación da nosa comunidade educativa.

Trátase dun proxecto da compañía de Teatro "Chévere", a cal nos convida a abrir unha conversa arredor do cadro de Castelao “A derradeira leición do mestre”, que lle serve á compañía como detonante para crear unha nova obra de teatro que se estreará en Compostela en febreiro do 2026.

O cadro, unha réplica do orixinal, conta cun cuestionario que atoparedes nun código QR ao carón e permanecerá na entrada principal do CIFP entre o luns 12 e o venres 16 de maio. Chévere anímanos a responder para participar do proceso de investigación desta nova creación, polo que solicitamos que o profesorado interesado en participar co seu alumnado se achegue, como unha actividade educativa que é, na súa sesión de aula. 

Ademais, o xoves 15 de maio ás 11:30 horas no Salón de Actos, o profesorado que queira asisitir xunto co seu grupo, poderá manter un encontro-coloquio con integrantes da Compañía "Chévere" arredor do cadro e do seu significado para a historia e a arte galegas.

Na biblioteca podedes consultar a bibliografía de Castelao