Por terceiro curso escolar consecutivo, a biblioteca do CIFP Compostela obtén o selo de Biblioteca escolar solidaria, distinción que recoñece as funcións da biblioteca como espazo dinámico e comprometido socialmente. Queremos felicitar a todo o equipo da biblioteca e especialmente, ao alumnado participante no programa de Voluntariado na biblioteca escolar por todo o traballo realizado. https://bibliotecas.edu.xunta.gal/programas-e-concursos/bibliotecas-escolares-solidarias

  “[…] Só depois é que fui à procura da grande biblioteca, as Galveias, que não seria tão grande assim, mas para mim era o mundo…” José Saramago https://blx.cm-lisboa.pt/horarios-e-contactos/biblioteca-palacio-galveias/

  Remata o club do profesorado do curso 2025-2026 con El libro de los abrazos de Eduardo Galeano para falarmos de amor, xustiza social, política e solidariedade.

  Contos que unen xeracións Taller interxeracional de literatura infantil, expresión oral e memoria compartida O alumnado de 1º do Ciclo Superior de Educación Infantil do CIFP Compostela, dentro do módulo de Expresión e Comunicación, desenvolveu unha proposta de traballo interxeracional en colaboración con persoas maiores de ATEGAL e alumnado en prácticas do Máster en Xerontoloxía da Universidade de Santiago de Compostela. A actividade xurdiu cunha finalidade clara: realizar unha selección razoada de contos clásicos, populares e contemporáneos que poidan ser utilizados en Educación Infantil e no primeiro ciclo de Educación Primaria. Non se trataba unicamente de escoller contos bonitos ou coñecidos, senón de analizalos desde unha mirada pedagóxica, expresiva, emocional, cultural e interxeracional. Para iso, o alumnado preparou previamente un guión común de análise de contos. Neste guión recollíanse aspectos como o título, a autoría, os personaxes principais, o tema, a moraleja, as i...

  Guía de lectura con recomendacións de lecturas en francés que podedes atopar na nosa biblioteca Your browser does not support the video tag.

      

  A coordinadora da biblioteca do CIFP Compostela, continúa a difundir a obra da escritora Begoña Caamaño, elixida este ano 2026 pola Real Academia Galega para ser a figura representativa do Día das Letras Galegas. O club de lectura do noso centro celebrou no mes de outubro unha sesión ao redor da novela Circe ou o pracer do azul e no mes de maio , comentouse Morgana en Esmelle. Mercedes foi convidada pola biblioteca Benito Pérez Galdós no Centro Cultural Conde Duque de Madrid onde impartiu a charla - coloquio " A vida de Begoña Caamaño a través dos ollos dunha das súas Morganas" o día 20 de abril. Inaugurou como pregoeira , a Feira do Libro de Santiago de Compostela, falando en colectivo, no nome de As Amigas da autora con repercusión na prensa local. Pregón do día 2 de maio de 2026 Foi convidada tamén pola EOI de Lugo, centro onde impartira aulas e no que xa tivera levado a voz de Begoña Caañano a través dos clubs de lectura. "Celebrando a Begoña Caamaño. Unha conve...

  Presentamos o noso primeiro booktrailer, elaborado polo alumnado participante no Club de lectura feminista en lingua inglesa(Coffee Sessions) despois de recibir varias sesións de formación na biblioteca, impartidas pola lectora Talia Snyder We Should All Be Feminists by Chimamamnda Ngozi Adichie 

  Morgana en Esmelle de Begoña Caamaño, no mes das Letras Galegas. Cata de viños galegos da man de Elena Quián. Emotivo club de lectura ao redor de Morgana en Esmelle con cata de vinos galegos, ramos de astromelias e o Alalá das Mariñas interpretado polo noso compañeiro César.  🎺 💐💗

Berrobambán achéganos á figura de Begoña Caamaño en " O transgredir das ondas". Unha peza teatral escrita por Paula Carballeira que podedes consultar na biblioteca do CIFP Compostela.

  Guía de lectura. Novidades na nosa biblioteca. Autoras na literatura asiática

                                            Con motivo da Semana do Libro, o alumnado de 1º de Educación Infantil do CIFP Compostela saíu da aula para compartir o que mellor sabe facer: contar historias. Realizaron obradoiros de contacontos nas escolas infantís de Raiola , Lamas de Abade , así como no centro de educación especial Duques de Lugo de Aspanaes , fortalecendo vínculos con centros veciños e levando a maxia da lectura a diferentes realidades educativas. Unha experiencia enriquecedora onde aprender tamén significa compartir .     Visita do equipo directivo de Aspanaes

  Encontro sorpresa🎉 Comezamos o 23 de abril na biblioteca do edificio principal e continuamos o 27 de abril na biblioteca de servizos á comunidade.

  Comezamos as actividades do Día do Libro 2026 con Lucía Belarte e David Lorenzo que presentaron o álbum ilustrado A Panadería, editado por Kalandraka. Un encontro para falar de tolerancia, diversidade e integración social. Tivemos a oportunidade de coñecer o proceso do álbum ilustrado  de creación e mesmo degustamos unhas riquísimas galletas elaboradas no noso obradoiro de panadaría.

  No club de lectura do profesorado do mes de abril contaremos coa autora Andrea Nunes para  comentar o seu último poemario, Mapa da estría .

  Encontro coas ilustradoras e muralistas Ana Santiso e Xohana Almar o venres 20 de marzo. Continuando coas actividades organizadas arredor do 8M durante este mes de marzo dedicado á igualdade e dereitos humanos, quixemos tamén visibilizar e recoñecer o traballo de  Mulleres Referentes  no ámbito das nosas familias profesionais, por iso, a pasada semana tivemos como convidadas a  Ana Santiso ,  creadora do mural que ilustra o corredor exterior entre os edificios de Hostelería e Servizos á Comunidade e Artes Gráficas do noso centro, e  Xoana Almar ,   da cooperativa Cestola na Cachola, que, entre outras obras, creou e realizou en Compostela os murais  "Casa"  na rúa do Restollal e " Lavandeiras do Sarela , en Galeras .                                     Alumnado e profesorado  do ciclo de Educación Infantil  Alumnado e profesorado de Xesti...

  Aroa´s recommendation for our reading club

  Sheila Maneiro recommendation for the English reading club

  Participamos no Encontro PLAMBE 2026 para falar do noso proxecto de biblioteca escolar escolar solidaria. Podedes consultar aquí o interesante programa. A nosa compañeira, Mercedes Teijeiro fixo un breve resumo de dous anos como biblioteca galardoada co selo de biblioteca escolar solidaria. Moitas grazas polo convite!